Solveig Brekke Hauknes

Folkedansar, instruktør, produsent, prosjektleiar, rådgjevar og hardingfelespelar

Om Solveig

Solveig er ein engasjert folkedansar og instruktør, som har dansa stort sett heile livet. Ho har eit brennande engasjement for folkedansen og folkemusikken, og elskar å dykke ned i dei små detaljane i lag med andre. Ho har særskilt god kompetanse om runddans/gamaldans og pols, men underviser også i andre tradisjonsdansar. Solveig har holdt ei rekke kurs for nybyrjarar, godt erfarne dansarar og for både unge og eldre. 

Solveig har folkedansutdanning frå NTNU med faga "Tradisjonskunnskap og tradisjonspraksis" og "Norsk folkeleg dans". I tillegg er ho utdanna som prosjektleiar innan kunst og kreativ næring. 

Solveig er A-klassedansar på kappleik og har vunne Dans Fele A fleire gonger. Ho har også fleire sigarar i pardans senior på Landsfestivalen.

No jobbar Solveig som folkedansrådgjevar i organisasjonen Noregs Ungdomslag. Ho er også medeigar og produsent i Melovitten, eit plateselskap og kulturproduksjonsselskap som ho driv i lag med ektemann Bjørn Kåre Odde.
Solveig er også utøvar på hardingfele og arrangør av festivalar og konsertar.

Festival- og konsertarrangør

  • Heme dine er ein intim folkemusikk-, folkedans- og friluftsfestival som foregår utendørs på fjellet, 900 moh., i Engerdal. I 2016 stifta Solveig, saman med Sigrid Stubsveen, denne festivalen, og sidan har dei arrangert den årleg. Heme dine har også ein sommarleir og etter kvart sin eigen konsertserie gjennom året, Hemom. Solveig er nestleiar og produsent i Heme dine.

  • Jakupscena er ein heilråsarrangør for folkemusikk- og folkedansarrangement i Lom og Skjåk. Dei tilbyr omlag seks arrangement i året, med konsertar, danseforestillingar, familiearrangement mm.
    Solveig er ein av initiativtakarane, produsent og no styreleiar. Jakupscena har vore aktiv sidan 2021.

Rådgjevar

  • Noregs Ungdomslag er ein frivillig organisasjon med ca. 350 lag over heile landet. Mange av laga driv med folkedans. Solveig har vore tilsett som folkedansrådgjevar sidan 2017, fyrst i 100% og no i 50% stilling. Her jobbar ho mellom anna med å arrangere instruktørkurs i folkedans, produsere opplæringsfilmar gjennom prosjektet Folkepedia, gi råd og tips til medlemmar og lag, arrangere sommarleir for ungdom og folkedansfestival for heile Norden.

Folkedansinstruktør

  • Solveig har brei erfaring som danseinstruktør i ulike folkedansar. Ho kan ta på seg kurs på alt frå ein time til ei heil helg eller vekeskurs, og for mange ulike målgrupper.

    Solveig kan lære bort mange ulike dansar, men er spesielt god på pols og ulike typar runddans (vals, reinlender, polka, masurka). Ho underviser også i springleik frå Lom og ein del andre bygdedansar.

    Kurs med fokus på teknikk, samdans og variasjonar er også mogleg, då vil vi jobbe meir med ulike øvingar i staden for å lære seg ein spesifikk dans.

    Solveig har også eit breidt repertoar i ulike enklare fellesdansar som fungerer godt for born eller for ei gruppe som vil ha ei god og samlande oppleving, og som kanskje ikkje har dansa så mykje før.

Kontakt Solveig

Solveig Brekke Hauknes (f. 1993)
Frå Bærum, busett i Vågå

Mail: solveig@melovitten.no
Telefon: +47 473 98 764

Sjå og høyr Solveig

Her kan du sjå Solveig danse og spele på YouTube.